„Þetta var þriggja tíma fundur þar sem við fórum yfir mörg mál,“ segir Halldór Benjamín Þorbergsson, framkvæmdastjóri Samtaka atvinnulífsins, við mbl.is eftir fund í kjaradeilu SA og fjögurra stéttarfélaga í morgun.

Hann segir að farið hafi verið yfir réttindamál og fyrirkomulag tengt launauppbyggingu. Sólveig Anna Jónsdóttir, formaður Eflingar, sagði við mbl.is fyrr í dag að rætt hafi verið að komið yrði á fésektum ef brot yrðu á kjarasamningum. 

Frétt af mbl.is

Ræddu fésektir vegna kjarasamningsbrota

Halldór staðfestir að það hafi verið eitt af því sem rætt var í morgun en segir enga ákvörðun liggja fyrir. Enn fremur vill hann ekki tjá sig neitt um efnislegt innihald funda.

Frétt af mbl.is

Gefur um tveggja vikna tímaramma

Vil­hjálm­ur Birg­is­son, formaður Verka­lýðsfé­lags Akra­ness, sagði við mbl.is á miðviku­dag að hon­um þættu viðræðurn­ar ganga hægt. Stétt­ar­fé­lög­in þyrftu að fara að sjá fljót­lega hvort deiluaðilar væru að fara að ná sam­an eða ekki og gaf því rúm­lega tveggja vikna tím­aramma, ell­egar myndu fé­lög­in slíta viðræðum og ræða við fé­laga sína um fram­haldið, þ.e. hvort gripið yrði til verk­fallsaðgerða.

Spurður um þau ummæli segir Halldór að SA setji ekki ófrávíkjanleg skilyrði. „Þetta eru samningaviðræður þar sem við leggjum til að báðir aðilar miðli málum. Ég hygg að það sé besta verklagið,“ segir Halldór en næsti fundur hjá sáttasemjara í kjaradeildunni er á miðvikudaginn.

Tengdar fréttir

Kjaraviðræður

Formenn funda aftur með ríkissáttasemjara á morgun

• Formenn KÍ og SÍS funda með ríkissáttasemjara
• „Sýnum þessu börnum og ungmennum nærgætni“
• Komið „meira púður“ í viðræðurnar
• Deilan enn í hnút eftir tveggja vikna verkföll

» Fleiri tengdar fréttir

• Blogga um frétt