Reiknar með Ágústi aftur á þing
Jóhann Ólafsson
Setja bókamerki
„Hann er ekki að koma á morgun,“ segir Logi Einarsson, formaður Samfylkingarinnar, um Ágúst Ólaf Ágústsson, þingmann flokksins. Á morgun eru tveir mánuðir síðan Ágúst tilkynnti um tveggja mánaða leyfi frá störfum vegna áminningar sem hann fékk frá trúnaðarnefnd flokksins.
Ágúst Ólafur greindi frá því á Facebook-síðu sinni 7. desember sl. að hann hefði fengið áminningu frá trúnaðarnefnd Samfylkingarinnar vegna framkomu sinnar í garð konu í byrjun síðasta sumars. Ágúst Ólafur áreitti hana kynferðislega og þegar hún hafnaði honum ítrekað fór hann særandi orðum um hana.
Bára Huld Beck, blaðamaður á Kjarnanum, greindi frá því fjórum dögum síðar að hún væri umrædd kona. Hún sagði lýsingu Ágústs á atvikinu ekki í samræmi við sína upplifun og að hann hafi reynt að gera minna úr því en hann hafi áður gengist við.
Logi segir að það skýrist fljótlega hvenær Ágúst snýr aftur á Alþingi og að látið verði vita af því með fyrirvara. Kjördæmadagar eru í næstu viku og því ljóst að Ágúst tekur ekki sæti aftur á Alþingi fyrr en í fyrsta lagi mánudaginn 18. febrúar.
Gerið þið ráð fyrir því að hann komi aftur?
„Það er reiknað með því. Hann er enn að vinna í sínum málum en ég veit ekki annað,“ segir Logi.
Reynt var að ná tali af Ágústi en án árangurs.
Fordæma árásir á ísraelska áhangendur
Kjör kennara hafi vaxið langt umfram almennan markað
/frimg/1/51/19/1511999.jpg)
Lenda í háska í óskipulögðum jöklaferðum
Bindur vonir við að koma fjárlögunum í gegn
Óvíst um lögfestingu kílómetragjaldsins
Oddvitaviðtöl í Reykjavík suður
Endurskoða starfsleyfi bálstofu kirkjugarðanna