Rannsókn máls þar sem grunur leikur á að konu hafi verið byrluð ólyfjan á skemmti­stað í Reykja­nes­bæ, þannig að hún hafi ekki getað spornað við því að brotið væri gegn henni, er á frumstigi.

Jóhannes Jensson, aðstoðaryfirlögregluþjónn á Suðurnesjum, vildi ekkert tjá sig um rannsókn málsins og sagði að engir væru grunaðir.

Frétt af mbl.is

Byrluð ólyfjan í Reykjanesbæ

Eins og fram kom fyrr í dag hafa lögreglu borist spurnir af því að fleiri konum hafi verið byrluð ólyfjan á skemmtistöðum á Suðurnesjum að undanförnu en kærur hafa ekki borist vegna þess.

Jóhannes segir að mál þar sem fólki er byrluð ólyfjan komi ekki oft upp í umdæmi lögreglunnar á Suðurnesjum.

Lögreglan ákvað að senda tilkynningu vegna málsins til að fólk hefði varann á sér. Mikilvægt sé að vera vakandi og fylgjast með vinum sínum.

Tengdar fréttir

Byrlanir

Tvö byrlanamál til rannsóknar eftir helgina

• 1.712 smit innanlands
• Engin yfirsýn yfir byrlanir síðasta árið
• Blóðsýni sýndu ekki fram á byrlanir
• Hægt að greina drykkjarsýni fyrir ólyfjan

» Fleiri tengdar fréttir

• Blogga um frétt