Krafist er styttingar vinnuvikunnar í 35 stundir, jöfnunar launa á milli almenna markaðarins og opinbera markaðarins og launaþróunartryggingar til framtíðar í kröfugerð Sameykis gagnvart Reykjavíkurborg.

Viðræður eru hafnar og kynnti samninganefnd Sameykis samninganefnd borgarinnar kröfur sínar sl. mánudag. Launakröfur Sameykis, sem varð til með sameiningu SFR og starfsmannafélags Reykjavíkurborgar fyrr í vetur, eru m.a. þær að skoðaðar verði leiðir til hækkunar launa og aukins kaupmáttar með blandaðri aðgerð og að starfsþróunarþrep í launatöflu borgarinnar hækki um 2% við hvert þrep. Einnig vill félagið koma á viðbótarlaunakerfi.

Farið er fram á að aðfangadagur og gamlársdagar verði frídagar að fullu og að foreldrar fái aukafrí vegna vetrarfrís- og skipulagsdaga í leik- og grunnskólum. Þá er þess krafist að dögum verði fjölgað þar sem hægt er að breyta yfirvinnu í frí.

Tengdar fréttir

Kjaraviðræður

Formenn funda aftur með ríkissáttasemjara á morgun

• Formenn KÍ og SÍS funda með ríkissáttasemjara
• „Sýnum þessu börnum og ungmennum nærgætni“
• Komið „meira púður“ í viðræðurnar
• Deilan enn í hnút eftir tveggja vikna verkföll

» Fleiri tengdar fréttir