Fulltrúar VR munu funda með Almenna leigufélaginu í húsakynnum þess klukkan þrjú í dag, að því er fram kemur í fréttatilkynningu frá leigufélaginu. Ragnar Þór Ingólfsson, formaður VR, óskaði eftir fundinum vegna hækkunar leiguverðs.

Fram kemur í tilkynningunni að umrædd hækkun hafi verið að meðaltali 6,2% og að breytingar á leiguverði hafi verið til þess fallnar „að hækka og aðlaga hluta leigusamninga að meðalleigu á markaði svo rekstur þeirra íbúða standi undir sér“.

Frétt af mbl.is

Hóta að taka fé úr stýringu hjá Kviku

„Það er varla hægt að lýsa þessu með öðrum orðum en sem grimmd, taumlausri græðgi og mannvonsku,“ kom fram í bréfi frá VR á mánudag vegna málsins.

Í tilkynningu frá Almenna leigufélaginu sama dag var sagt að orð formanns VR væru „ómakleg árás á fyrirtæki sem tekið hefur þátt í að ryðja brautina fyrir þróun skilvirks leigumarkaðar á Íslandi“.

Frétt af mbl.is

Segja árás formanns VR ómaklega

Tengdar fréttir

Kjaraviðræður

Kennarar og læknar í Karphúsið að nýju klukkan níu

• Vonir bundnar við morgundaginn
• „Ekki úr háum söðli að detta“
• Hjúkrunarfræðingar samþykkja samning
• Fundur hafinn hjá kennurum, ríki og sveitarfélögum

» Fleiri tengdar fréttir

• Blogga um frétt