Tugir björgunarsveitarmanna úr Árnessýslu og frá höfuðborgarsvæðinu munu í dag halda áfram leitinni að Páli Mar Guðjónssyni sem er talinn hafa ekið bifreið sinni út í Ölfusá.
Að sögn Davíðs Más Bjarnasonar, upplýsingafulltrúa Slysavarnafélagsins Landsbjargar, eru flestir hóparnir komnir út að leita.
Hann segir leitarskilyrðin vera mun betri í dag en í gær en bendir á að lögreglan muni taka ákvörðun um framhald leitarinnar.