Rúmar níu klukkustundir eru síðan önnur umræða hófst á Alþingi um frumvarp fjármála- og efnahagsráðherra um meðferð krónueigna sem háðar eru sérstökum takmörkunum og gjaldeyrismál. 

Umræðan hófst rétt eftir klukkan þrjú í dag að lokinni sérstakri umræðu um stöðu ferðaþjónustunnar. Þingmenn Miðflokksins hafa beitt málþófi í yfir níu klukkustundir og enn eru allir þingmenn Miðflokksins á mælendaskrá. 

Umræðurnar fóru fjörlega af stað og var Sig­mundi Davíð Gunn­laugs­syni, for­manni Miðflokks­ins, gríðarlega heitt í hamsi þegar Smári McCart­hy Pírati spurði Sig­mund um hags­muni hans í tengsl­um við umræður um af­l­andskrónu­eig­end­ur og vog­un­ar­sjóði. Sig­mund­ur sagði fram­komu Smára nýja lægð hjá Pír­öt­um.

Frétt af mbl.is

Sagði framgöngu Pírata „ógeðfellda“

Þegar þetta er skrifað er hins vegar verið að ræða nefndarfundi og þegar þingmenn Miðflokksins hafa lokið máli sínu óska þeir eftir að komast aftur á mælendaskrá. 

Á heimasíðu Alþingis má fylgjast með beinni útsendingu frá umræðum á þinginu. 

Tengdar fréttir

Alþingi

Ríkisstjórnin leggur nýtt gjald á nikótínvörur

• Næstu skref þingforseta óráðin
• Beint: Bjarni tilkynnir um þingrof og kosningar
• Lilja aðstoðar Þórdísi
• „En sagan er auðvitað lengri en þetta“

» Fleiri tengdar fréttir

• Blogga um frétt