Atkvæðagreiðsla um verkfallsboðun hjá félagsmönnum VR sem starfa hjá hópbifreiðafyrirtækjum og hjá 20 hótelfyrirtækjum á höfuðborgarsvæðinu og í Hveragerði hófst í dag og stendur í viku, til 12. mars. Atkvæðagreiðsla hjá Eflingu hófst á hádegi í gær og stendur til loka laugardags.

Á vefsíðu VR kemur fram að viðhöfð verði rafræn atkvæðagreiðsla um verkfallsboðunina, en eins og mbl.is hefur fjallað um leggur forysta VR, Eflingar og Verkalýðsfélags Akraness til umfangsmiklar aðgerðir. Í heildina ná þær hið minnsta til 40 fyrirtækja í hótel- og gistingarekstri, auk hópbifreiðafyrirtækja.

Frétt af mbl.is

Leggja til umfangsmikil verkföll

Aðeins þeir sem verk­föll­in ná til munu greiða at­kvæði um til­lög­ur fé­lag­anna um vinnu­stöðvun, sem er önn­ur aðferð en Efl­ing valdi síðast.

Ákveðið hefur verið að viðhafa rafræna atkvæðagreiðslu um verkfallsboðun félagsmanna VR hjá hópbifreiðafyrirtækjum á félagssvæði VR og félagsmönnum VR hjá eftirfarandi fyrirtækjum:

• Fosshótel Reykjavík ehf.
• Hótel 1919 ehf.
• Íslandshótel hf. 
• Hótel Óðinsvé hf.
• Flugleiðahótel ehf.
• Hótel Leifur Eiríksson ehf.
• Cabin ehf.
• Hótel Smári ehf. 
• Hótel Saga ehf.
• Fjörukráin ehf. (Hotel Viking)
• Miðbæjarhótel/Centerhotels ehf. 
• Hótel Holt Hausti ehf.
• Hótel Klettur ehf.
• Hótelkeðjan ehf.
• Örkin Veitingar ehf.
• CapitalHotels ehf.
• Keahótel ehf.
• Kex Hostel
• Hótel Frón ehf.
• 101 (einn núll einn) hótel ehf.

Tengdar fréttir

Kjaraviðræður

Farmenn felldu nýjan kjarasamning

• Vilja hækka frítekjumörk og tekjur
• Nýr kjarasamningur Eflingar samþykktur
• Ellefu mál á borði sáttasemjara
• Vísa kjaradeilu tollvarða til gerðardóms

» Fleiri tengdar fréttir

• Blogga um frétt