Í dag funda samninganefndir Landssambands íslenskra verslunarmanna og Samtaka atvinnulífsins hjá ríkissáttasemjara. Gert er ráð fyrir fundi fram eftir degi. Ekki fengust upplýsingar um efni fundarins, enda eru viðsemjendur bundnir trúnaði um það sem fer fram á sáttafundum.

Samflot iðnaðarmanna og SA funduðu alla helgina undir stjórn Bryndísar Hlöðversdóttur ríkissáttasemjara. Í samtali við Morgunblaðið í gærkvöldi sagði hún að verið væri að ræða heildarsamhengi og að ekki yrðu tekin út fyrir sviga einstök atriði í samningaviðræðunum.

Á föstudaginn sagði í pistli á heimasíðu Samiðnar að vonir stæðu til að umræðu um vinnutímastyttingu lyki um helgina. Hvort þær væntingar stóðust fékkst ekki staðfest.

Á morgun funda samninganefndir Starfsgreinasambandsins með SA. Samninganefnd SGS samþykkti á föstudaginn að halda viðræðum áfram. Samkvæmt heimildum Morgunblaðsins mun samflot iðnaðarmanna ganga til fundar með SA hjá sáttasemjara á miðvikudaginn.

Tengdar fréttir

Kjaraviðræður

Farmenn felldu nýjan kjarasamning

• Vilja hækka frítekjumörk og tekjur
• Nýr kjarasamningur Eflingar samþykktur
• Ellefu mál á borði sáttasemjara
• Vísa kjaradeilu tollvarða til gerðardóms

» Fleiri tengdar fréttir