Katrín Jakobsdóttir forsætisráðherra segist ætla að óska frekari skýringa frá Seðlabankanum vegna aðgerða bankans gegn Samherja. Helga Vala Helgadóttir, formaður stjórnskipunar- og eftirlitsnefndar, sagði í gær að málið yrði skoðað hjá nefndinni.

Þetta kemur fram í skriflegu svari Katrínar vegna fyrirspurnar Fréttablaðsins. Már Guðmundsson seðlabankastjóri kemur á fund nefndarinnar á fimmtudag.

Umboðsmaður Alþing­is gagn­rýndi aðför Seðlabank­ans gegn Sam­herja á fundi stjórn­skip­un­ar- og eft­ir­lits­nefnd­ar á miðviku­dag. SÍ beitti Sam­herja stjórn­valds­sekt­um árið 2016 þrátt fyr­ir að rík­is­sak­sókn­ari hefði áður komið þeirri af­stöðu á fram­færi við Seðlabank­ann að ekki væru laga­heim­ild­ir til staðar fyr­ir aðgerðunum.

Már Guðmundsson seðlabankastjóri. mbl.is/​Hari

Hæstiréttur felldi sektina úr gildi í nóvember og í kjölfarið óskaði Katrín eftir greinargerð frá bankaráði Seðlabankans. 

Fram kemur í svari forsætisráðherra við fyrirspurn Fréttablaðsins að óskað verði frekari skýringar frá Seðlabankanum, meðal annars um eftirfylgni með umbótum í stjórnsýslu bankans og um samskipti við fjölmiðla.

Tengdar fréttir

Samherji

Ekki sérstakt markmið að vera efst

• „Ég er á margan hátt nokkuð bjartsýnn“
• Skipin í höfn og komin í sparifötin
• Hæstiréttur hafnar kröfu Þorsteins Más
• Samherji hafði betur gegn Odee

» Fleiri tengdar fréttir

• Blogga um frétt