Innlent | mbl | 12.3.2019 | 18:59 | Uppfært 19:30

Dæma engin mál í vikunni

mbl.is/Hjörtur

Landsréttur mun ekki kveða upp dóma í þessari viku. Þetta er ákvörðun þeirra fimmtán dómara sem starfa við dómstólinn. Þetta kemur fram á fréttavef Ríkisútvarpsins.

Þar segir að dómararnir telji að niðurstaða Mannréttindadómstóls Evrópu í morgun um að íslenska ríki hafi gerst brotlegt við skipan fjögurra dómara í Landsrétt eigi við um alla dómarana við dómstólinn en ekki einungis þá fjóra dómara sem Sigríður Andersen dómsmálaráðherra tilnefndi umfram aðra umsækjendur sem hæfisnefnd taldi hæfari. Engin ákvörðun hafi að öðru leyti verið tekin varðandi framhaldið.

Landsréttur hafði áður ákveðið að fresta öllum málum sem dómararnir fjórir áttu að dæma í. Dómstóllinn fer nú yfir niðurstöðu Mannréttindadómstóls Evrópu og það sama á við um dómsmálaráðuneytið.