Mjólkurfræðingafélag Íslands (MFFÍ) vísaði viðræðum sínum um nýjan kjarasamning við Samtök atvinnulífsins til ríkissáttasemjara á föstudaginn.

Þegar hefur félagið átt tvo fundi við SA en á fimmtudaginn var fundur þeirra við samtökin afboðaður. Félagið telur um 85 mjólkurfræðinga og er í meginatriðum í samvinnu við iðnaðarmannafélögin í kjaraviðræðunum.

Eiríkur Ingvarsson, formaður MFFÍ, segir að viðræðurnar fram að þessu hafi verið svo að segja árangurslausar og því sé gripið til þessa ráðs. Auk þess hafi samflotsfélög MFFÍ þegar vísað sinni deilu til sáttasemjara og því liggi þetta beinast við. Um flest fylgir MFFÍ iðnaðarmannafélögunum að málum í við ræðunum en mjólkurfræðingar eru sér á báti með ákveðin sérmál, að því er fram kemur í Morgunblaðinu í dag.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• Blogga um frétt