Yfir eitt hundrað íbúar í Hjallahverfi í Kópavogi hafa ritað undir mótmæli vegna fyrirhugaðra breytinga á deiliskipulagi við Dalveg, en þar á að rísa stór skrifstofubygging með 300 bílastæðum á mótum Breiðsholtsbrautar og Nýbýlavegar.
Óttast íbúarnir að umferð um Dalveg aukist mjög í kjölfarið, en hún er nú þegar þung á álagstímum.
Dalvegur er aðalumferðarleið íbúanna til og frá heimilum sínum. Fulltrúar mótmælenda eiga fund með bæjarstjóra á morgun og stefnt er að íbúafundi, að því er fram kemur í umfjöllun um mál þetta í Morgunblaðinu í dag.