Fall skorsteinsins séð úr lofti

Fjölmargir fylgdust með þegar skorsteinn Sementsverksmiðjunnar á Akranesi féll í dag. Sprengingin var tilkomumikil og mbl.is var á staðnum og myndaði úr lofti.

Nærliggjandi götum var lokað í morgun vegna framkvæmdarinnar og rýmdi lögreglan m.a. öryggissvæði í 160 metra radíus frá skorsteininum.

Greint var frá því í desember, að Akra­nes­kaupstaður hefði skrifað und­ir samn­ing við fyr­ir­tækið Work North um niðurrif á skorsteininum og hljóðaði samkomulagið upp á 26 millj­ón­ir króna. Fyr­ir­tækið hafði einnig ann­ast niðurrif Sements­verk­smiðjunn­ar.  

Frétt af mbl.is

Strompurinn fellur - beint

Til stendur að reisa 368 íbúðir, auk verslunar- og þjónusturýmis á Sementsreinum svokallaða á næstu árum en reiturinn er 55 þúsund fermetrar.  

Áður en uppbyggingin hefst þarf að efla sjóvarnir og hækka Faxabraut sem liggur meðfram reitnum við sjóinn. 

Frétt af mbl.is

Ríkið taki þátt í uppbyggingu á Sementsreit

• Blogga um frétt