Dómur vegna banaslyss staðfestur
Setja bókamerki
Landsréttur hefur staðfest dóm Héraðsdóms Austurlands í máli karlmanns sem ákærður var fyrir manndráp af gáleysi vegna banaslyss sem varð við Jökulsárlón í ágúst 2015.
Maðurinn neitaði sök fyrir héraðsdómi, sem dæmdi hann í tveggja mánaða skilorðsbundið fangelsi og svipti hann ökuréttindum í hálft ár. Dómur féll í héraði í janúar í fyrra en maðurinn áfrýjaði málinu til Landsréttar.
Við fyrirtöku málsins í Landsrétti fór saksóknari síðan fram á þyngri dóm yfir manninum, hvort sem það væri þyngri refsins eða lengri ökuréttindasvipting.
Lögmaður mannsins fór hins vegar fram á að fallið yrði frá öllum ákærum og til vara að maðurinn yrði dæmdur til vægustu refsingar.
Maðurinn var skipstjóri á hjólabát sem var bakkað yfir kanadíska konu við Jökulsárlón í ágúst 2015. Var hann ákærður fyrir „að hafa, síðdegis fimmtudaginn 27. ágúst, ekið hjólabátnum Jaka SF-2223, sem er þiljað farþegaskip, aftur á bak frá farþegapalli og um malarplan norðan við þjónustubygginguna við Jökulsárlón í sveitarfélaginu Hornafirði, án nægjanlegrar aðgæslu þannig að hjólabáturinn hafnaði á gangandi vegfarandanum, Shelagh D. Donovan, f. 13. febrúar 1956, sem féll við og lenti undir hægra afturhjóli ökutækisins með þeim afleiðingum að hún hlaut fjöláverka og lést nær samstundis.“
Hafði ekki réttindi til að stýra bátnum
Í skýrslu rannsóknarnefndar samgönguslysa kom fram að maðurinn hafði ekki réttindi til að stýra bátnum. Þar segir að bakkmyndavél, sem er í öllum slíkum bátum sem sigla á Jökulsárlóni, hafi verið biluð í bátnum og svo hafi verið um nokkurt skeið. Þá hafi hvorki skipstjórinn né annar starfsmaður gengið úr skugga um að hættulaust væri að aka aftur á bak.
Samfylking og Viðreisn gáfu loforð
Forstjóri bendir á ábyrgð birgja vegna verðhækkana
Lát hjóna í Neskaupstað: Ákæra gefin út
„Tímabil aukinnar eldvirkni“
Ók á hóp fólks á jólamarkaði: Einn látinn
Alvarleg netárás á Wise
