Aðalmeðferð hefst núna klukkan 9 í Landsrétti í máli Vals Lýðssonar sem var í Héraðsdómi Suðurlands dæmdur í sjö ára fangelsi fyrir að hafa orðið bróður sínum, Ragnari Lýðssyni, að bana á bæn­um Gýgjar­hóli II í Blá­skóga­byggð aðfaranótt 31. mars í fyrra. 

Frétt af mbl.is

Ákæruvaldið áfrýjar dómnum yfir Vali

Ríkissaksóknari áfrýjaði dómi héraðsdóms sem féll í september í fyrra. Kolbrún Benediktsdóttir saksóknari fór fram á það fyrir héraðsdómi að Valur yrði dæmdur í 16 ára fangelsi.

Kolbrún sagði fyrir dómi að Vali hefði mátt vera það fullljóst að árás hans á Ragnar gæti endað með andláti hans. Í niðurstöðu héraðsdóms kom aftur á móti fram að ákæruvaldinu hefði ekki tekist að sanna að ákærði hafi ætlað að ráða bróður sínum bana.

Valur hefur borið við minnisleysi um atburðina sem áttu sér stað þetta afdrifaríka kvöld.

Frétt af mbl.is

Ásetningur ekki sannaður

Valur var fundinn sekur um manndráp af gáleysi fyrir stórhættulega og vísvitandi líkamsárás og fékk hann sjö ára fangelsisdóm fyrir. Honum var einnig gert að greiða fjórum börnum Ragnars þrjár milljónir króna hverju um sig í miskabætur fyrir að hafa banað föður þeirra.

Tengdar fréttir

Mannslát í uppsveitum Árnessýslu

Valur fer ekki fyrir Hæstarétt

• Ekki búnir að ákveða hvort þeir óski eftir áfrýjunarleyfi
• „Sigur fyrir sannleikann“
• Manndráp af ásetningi
• Landsréttur þyngir dóm yfir Val í 14 ár

» Fleiri tengdar fréttir

• Blogga um frétt