60 milljónir til Bergsins

Ríkisstjórn Íslands hefur ákveðið að veita sextíu milljónum króna til Bergsins Headspace, sem er úrræði fyrir ungt fólk. 

Þetta var tilkynnt á málþingi Geðhjálpar og Bergsins sem fer fram á Grand hóteli. 

Frá vinstri: Sigurþóra Bergsdóttir, einn af stofnendum Bergsins, Lilja Alfreðsdóttir, Ásmundur Einar Daðason og Svandís Svavarsdóttir. mbl.is/Kristinn Magnússon

Þar var skrifað undir viljayfirlýsingu fimm ráðuneyta um að koma að fjármögnun Bergsins. Ásmundur Einar Daðason, félags- og barnamálaráðherra, Svandís Svavarsdóttir heilbrigðisráðherra, Lilja Alfreðsdóttir, mennta- og menningarmálaráðherra, og Sigurður Ingi Jóhannsson, samgöngu- og sveitarstjórnarráðherra, skrifuðu undir hana. 

Í máli Ásmundar Einars kom fram að ríkisstjórnin standi heilshugar á bak við Bergið og vilji „tengja saman stjórnsýsluna við það öfluga starf sem hér er að fara af stað“.

Sigurþóra Bergsdóttir (til vinstri) og Sigrún Sigurðardóttir stóðu að stofnun Bergsins. mbl.is/​Hari

Í viljayfirlýsingunni kemur fram að um tilraunaverkefni sé að ræða. Veittar verða 30 milljónir króna á ári í tvö ár í verkefnið. 

Frétt af mbl.is

Góður andi í nýju húsnæði Bergsins

Bergið er svo­kölluð lágþrösk­uldaþjón­usta sem bygg­ir á Headspace sem er ástr­alskt úrræði fyr­ir ungt fólk. Slík­um miðstöðvum hef­ur meðal ann­ars verið komið upp í Dan­mörku. Hug­mynda­fræðin þar bygg­ist á því að ungt fólk á aldr­in­um 12 - 25 ára geti gengið að því sem vísu að eiga kost á því að leita til ein­hvers, sama hversu stór eða lít­il vanda­mál­in eru.

Bergið Headspace verður til húsa á Suður­götu 10 í Reykja­vík. Um er að ræða þverfag­legt mót­töku- og stuðningsúr­ræði fyr­ir ungt fólk þar sem í boði verður ein­stak­lings- og áfallamiðuð þjón­usta.

mbl.is/Kristinn Magnússon

• Blogga um frétt