Greining Samtaka iðnaðarins bendir til að hlutfallslega fáar nýjar íbúðir á höfuðborgarsvæðinu séu ódýrar. Til dæmis sé fimmta hver íbúð í smíðum á dýrum svæðum í miðborginni.

Í umfjöllun um mál þetta í Morgunblaðinu í dag gagnrýnir Sigurður Hannesson, framkvæmdastjóri SI, sveitarfélögin fyrir að bregðast ekki hraðar við hugmyndum átakshóps um aukið framboð íbúða fyrir tekjulága. Fátt bendi til að vandinn sé að leysast.

Ragnar Þór Ingólfsson, formaður VR, boðar byggingu 6-8 þúsund íbúða í húsnæðisfélaginu Blæ með aðkomu lífeyrissjóðanna. Uppbyggingin er hluti af kjarasamningum.

Umræða um slíka fjármögnun virðist hins vegar skammt á veg komin á vettvangi lífeyrissjóðanna.

Ragnar Þór segir óvíst hvort lífeyrissjóðirnir vilji fjárfesta í Blæ.

„Þótt við stjórnum þeim ekki beint kjósum við stjórnir sjóðanna. Það er áætlað að lífeyrissjóðirnir hafi tapað 50 milljörðum þegar þeir seldu Bakkavararbræðrum hlut í félaginu árið 2015. Það er sambærileg upphæð og þarf í þetta verkefni.“

Tengdar fréttir

Húsnæðismarkaðurinn

Verkalýðshreyfingin pólitísk í eðli sínu

• Húsbyggjendur fái hlutdeildarlán
• Dýrara að byggja á þéttingarreitunum
• Græddi á láninu
• Atvinnu-AirBnb „ígildi þess að reka gistiheimili“

» Fleiri tengdar fréttir