„Ábyrgðin er alltaf ökumanns“

„Það eru páskar framundan og við horfum á langtímaveðurspá,“ segir Guðbrandur Sigurðsson, aðalvarðstjóri hjá umferðardeild lögreglunnar á höfuðborgarsvæðinu, í samtalið mbl.is.

Löglegu tímabili nagladekkjanotkunar lauk í gær en Guðbrandur segir lögregluna aldrei hafa tekið hart á nagladekkjanotkun strax frá 15. apríl. „Það er vegna orðalags í reglugerðinni um að dagsetningin falli úr gildi ef akstursskilyrði krefjast vetrarbúnaðar.“

„Það gæti farið kólnandi um páskana og við horfum á veðurspá á landsvísu, enda fólk gjarnt á að fara í ferðalög. Svo horfum við á suðvesturhornið sem eitt atvinnusvæði þar sem fólk þarf jafnvel að fara yfir heiðar til ess að komast til vinnu.“

Frétt af mbl.is

Rauðir en ferðavænir páskar

Guðbrandur segir lögregluna taka stöðuna þegar líði á mánuðinn. 

„Það má auðvitað hvetja fólk til þess að skipta um dekk, en ábyrgðin er alltaf ökumanns að vera með ökutæki búið í samræmi við aðstæður. Það hefur enginn að gera við það að vera á nöglum á höfuðborgarsvæðinu ef tíðarfarið er svona þó það sé kannski snjór á heiðum á Raufarhöfn. Það verður að horfa á þetta með skynsemi.“

• Blogga um frétt