Eldsupptökin í brunanum í fjölbýli í Dalshrauni í dag virðast hafa verið í herbergi erlends pars á þrítugsaldri. Tekin var skýrsla af karlinum, sem var einn heima þegar eldurinn varð. Talað var við hann sem vitni en ekki grunaðan.

Það voru um 20 manns heima í byggingunni í dag þegar eldurinn varð. Um er að ræða 25 herbergi á efri hæð byggingar þar sem á neðri hæð er atvinnuhúsnæði. Allir íbúarnir eru af erlendum uppruna.

Sagt var frá því fyrr í dag að tveir væru í haldi lögreglu vegna rannsóknarhagsmuna. Svo er ekki. „Það er væntanlega bara misskilningur,“ segir Skúli Jónsson, aðstöðaryfirlögregluþjónn í Hafnarfirði. Hann segir engan hafa verið handtekinn vegna málsins heldur aðeins hafi verið tekin skýrsla af umræddum manni.

Frétt af mbl.is

Slökkviliðið að ljúka störfum

Enginn liggur undir gruni um að hafa valdið brunanum. Enn á eftir að afhenda vettvang lögreglu en þar er slökkvilið enn að störfum, þó eldurinn sé slokknaður. Skúli segir ótímabært að álykta nokkuð um hvað kann að hafa valdið eldinum. 

Tengdar fréttir

Eldsvoði í Dalshrauni

Talið að kviknað hafi í út frá raftæki

• Geymsla dekkja í fjölbýli varasöm
• Húsasmiðjan líklega opnuð á morgun
• Rannsókn lokið í Dalshrauni
• Tæknideild rannsakar vettvanginn

» Fleiri tengdar fréttir

• Blogga um frétt