Slökkviliði tókst að ráða niðurlögum eldsins í Dalshrauni á sjötta tímanum, eftir að hafa bjargað fjórum af þaki hússins á meðan logaði. Enginn liggur undir grun vegna brunans.

Sagt var frá því í kvöldfréttum RÚV að tvennt væri í haldi lögreglu vegna brunans. Svo var ekki, heldur var tekin skýrsla af íbúa.

Frétt af mbl.is

Búið að slökkva eldinn

Slökkviliðið er nú að ljúka störfum á vettvangi. Það verður svo með vakt áfram á staðnum næstu klukkustundir til öryggis en afhendir svo vettvanginn lögreglu, sem rannsakar staðinn þá.

Engan skaðaði í brunanum en á fimmta tug manns bjó á efri hæðinni. Allt fólkið var af erlendum uppruna og það gistir í húsnæði sem Rauði krossinn útvegar þeim í kvöld. Útkallið barst á fjórða tímanum í dag.

Bruninn varð aðeins í íbúðarhúsnæði og eldurinn náði ekki að teygja sig niður á neðri hæð hússins, þar sem er atvinnustarfsemi. Þó var vatn farið að leka inn í húsnæði Húsasmiðjunnar, sem liggur við bygginguna, og þurfti slökkviliðið að brjóta sér leið inn í verslunina til þess að bregðast við því.

Frétt af mbl.is

Eldsvoði í Dalshrauni

Uppfært kl. 20.30 

Upphaflega var sagt að tveir væru í haldi lögreglu en lögreglan hefur síðan sagt að enginn hafi verið handtekinn vegna málsins, heldur var um skýrslutöku að ræða. Viðkomandi var álitinn vitni og lá ekki undir grun.

Eldur í Dalshrauni. mbl.is/Árni Sæberg

Tengdar fréttir

Eldsvoði í Dalshrauni

Talið að kviknað hafi í út frá raftæki

• Geymsla dekkja í fjölbýli varasöm
• Húsasmiðjan líklega opnuð á morgun
• Rannsókn lokið í Dalshrauni
• Tæknideild rannsakar vettvanginn

» Fleiri tengdar fréttir

• Blogga um frétt