Kveðst hafa haft samráð við AFL
Setja bókamerki
Guðmundur Gíslason, stjórnarformaður Fiskeldis Austfjarða ehf., segist hafa haft gott samráð við stéttarfélagið AFL í öllum þeim breytingum sem voru gerðar á samningum starfsmanna í síðustu viku.
„Við buðum þeim að vera með okkur á fundunum þegar við vorum að kynna þessar breytingar og þeir kusu að koma ekki,“ segir hann. Hann segir að félagið hafi verið í sambandi við stéttarfélagið og því furði hann sig á viðbrögðum AFLs.
„Hann fullyrðir að við höfum ekki verið í sambandi við stéttarfélagið, en það er bara ekki rétt,“ segir Guðmundur.
„Þetta hefur ekkert með þennan lífskjarasamning að gera. Við munum fylgja honum og hækka launin í takt við það sem hann kveður á um,“ segir hann. Hann segir ekki rétt að þessar breytingar muni vatna út umsamdar launahækkanir.
Sverrir Mar Albertsson, framkvæmdastjóri AFLs, segist ætla að kanna málið í vikunni og tjá sig frekar um það ef hann sér tilefni til.
Íslendingar vanir að klæða sig vel
Fundaði með starfsfólki í fjóra tíma í gær
Lítil snjóflóð fallið og vegum lokað á Vestfjörðum
Nokkur útköll hjá Landsbjörg
Neitaði sök um morð og hryðjuverk
„Nánast aftakaveður þegar hryðjurnar ganga yfir“