Gripið verður til frekari uppsagna hjá Fríhöfninni á Keflavíkurflugvelli, en það má rekja til þeirra sviptinga sem átt hafa sér stað í flugrekstri hér á landi síðustu vikur.

Vísir greindi fyrst frá málinu. Sex manns var sagt upp hjá Fríhöfninni fyrir síðustu mánaðarmót og segir Þorgerður Þráinsdóttir, framkvæmdastjóri Fríhafnarinnar, að grípa þurfi til frekari uppsagna. Hún gefur ekki upp hversu mörgum til viðbótar verður sagt upp, en að ekki verði um hópuppsögn að ræða.

Um 200 manns starfa hjá Fríhöfninni, en ástæða uppsagna má helst rekja til gjaldþrots WOW air og afleiðingar sem það hefur á fjölda farþega um flugstöðina.

Frétt af mbl.is

Fríhöfnin segir upp sex manns

Tengdar fréttir

Sviptivindar í flugrekstri

Gefur Icelandair aukin tækifæri

• Verktökum í nýrri byggingu Icelandair boðið í kaffi
• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play

» Fleiri tengdar fréttir

• Blogga um frétt