Birgir Þórarinsson, þingmaður Miðflokksins, vill að Íslendingar verði í fararbroddi þegar kemur að því að gagnrýna ofsóknir gegn kristnu fólki í heiminum.

Á Alþingi, undir dagskrárliðnum störf þingsins, minntist Birgir á hryðjuverkaárásirnar á Sri Lanka sem urðu fjölda fólks að bana. Athyglin hefði eftir árásirnar beinst að ofsóknum gegn kristnu fólki og sagði hann að kristnir hefðu mest orðið fyrir barðinu á ofsóknum gegn trúarhópum í heiminum. Ríflega fjögur þúsund kristnir menn hefðu látist í fyrra af þeim sökum.

Birgir hvatti til þess að Íslendingar nýti tækifærið sem þeir hafa með setu í mannréttindaráði Sameinuðu þjóðanna og fordæmi ofsóknir gegn kristnum og krefjist úrbóta þar sem ástand mála er hvað verst.

Tengdar fréttir

Hryðjuverk á Sri Lanka

Samfélagsmiðlum lokað á Sri Lanka

• Frystu eignir hryðjuverkamannanna
• Almenningur afhendi bæði hnífa og sverð
• Fallið frá messuhaldi
• Verður bannað að hylja andlit sitt

» Fleiri tengdar fréttir

• 1 blogg um fréttina

Bloggað um fréttina

• Steindór Sigursteinsson: Hugrekkið dýru verði keypt