Isavia getur ekki krafist tveggja milljarða
Setja bókamerki
Tengdar fréttir
Sviptivindar í flugrekstri
Nú rétt um klukkan 16 var kveðinn upp úrskurður í Héraðsdómi Reykjaness í máli bandaríska flugvélaleigufyrirtækisins ALC gegn Isavia vegna kyrrsetningar flugvélar á Keflavíkurflugvelli sem WOW air var með á leigu. Isavia þarf ekki að losa vélina, en getur ekki krafist tveggja milljarða eins og kyrrsetning vélarinnar átti að tryggja. Málskostnaður fellur niður.
Í úrskurði segir að Isavia sé heimilt að aftra brottför vélarinnar vegna þeirra gjalda sem tengjast vélinni sjálfri. Ekki fellur það yfir aðrar skuldir WOW air við Isavia vegna annarra loftfara sem eru í rekstri. Forráðamenn ALC sögðu við mbl.is að það sé einmitt það sem Isavia var boðið og jafngildi ekki þeirri tveggja milljarða króna kröfu sem vélin átti að tryggja.
Viðbrögð við dómnum birtast hér á mbl.is innan skamms.
Málið snýst um vél í eigu ALC, TF-GPA, sem Isavia kyrrsetti þann 28. mars í kjölfar gjaldþrots WOW air. Tekist var á fyrir dómi í morgun um hvort Isavia hefði heimild í lögum til þess að kyrrsetja vélina til tryggingar tveggja milljarða skuldar WOW air við Keflavíkurflugvöll.
Í málflutningi lögmanna ALC kom meðal annars fram að lagaákvæðið um rétt til kyrrsetningar félli aðeins undir núverandi umráðahafa farþegaþotu. Nú er ALC umráðandi vélarinnar á ný eftir gjaldþrotið og því hafi Isavia ekki rétt til þess að beita ákvæði loftferðarlaga til þess að kyrrsetja vélina.
Lögmaður Isavia sagði hins vegar vélin hafi verið skráð í umráði WOW air við kyrrsetningu vélarinnar 28. mars. Skráningu hafi ekki verið breytt hjá Samgöngustofu fyrr en þann 4. apríl. Þá hafi ekki verið nauðsynlegt að tilkynna bæði umráðanda og eiganda vélarinnar um kyrrsetningu, en Skúli Mogensen, fyrrum forstjóri WOW air, hafi staðfest móttöku á kröfu Isavia.
Tengdar fréttir
Sviptivindar í flugrekstri
Viðræður ekkert þokast frá því á þriðjudag
Sjötti ferðamaðurinn er látinn
Hentugt gos fyrst gýs á annað borð
Hótar Bretum og Bandaríkjamönnum
Dómur þyngdur um þrjú ár
Sólveig Anna furðar sig á aðferðum kennara
Drónamyndskeið frá hápunkti gossins í nótt
/frimg/1/53/8/1530849.jpg)
Fatlaður drengur fær ekki þjónustu í verkfalli