Aðfararbeiðnin sem flugvélaleigufyrirtækið ALC lagði fram gegn Isavia á mánudag verður tekin fyrir í Héraðsdómi Reykjaness kl. 15:30 í dag.

ALC gerir kröfu um að Isavia afhendi fyrirtækinu farþegaþotu sem kyrrsett hefur verið á Keflavíkurflugvelli, enda sé búið að greiða 87 milljóna króna skuldir vegna hennar í samræmi við úrskurð héraðsdóms í síðustu viku.

Frétt af mbl.is

Leita atbeina dómstóla gegn Isavia á ný

Oddur Ástráðsson, lögmaður ALC, segist í samtali við mbl.is ekki búast við því að niðurstaða muni liggja fyrir í dag.

Hann segir að honum þyki líklegt að lögmenn Isavia reyni að færa fyrir því rök að kröfum ALC beri að vísa frá þar sem Isavia hafi kært fyrri úrskurð.

„Við færum fyrir því rök í okkar nýju aðfararbeiðni að það sé algjör óþarfi að gefa þeim frest til að skila greinargerð og flytja málið upp á nýtt og að það sé bara hægt að taka ákvörðun strax. Þetta eru þau tvö atriði sem verður væntanlega fjallað um,“ segir Oddur, en honum finnst þó langlíklegast að Isavia fái skamman frest til að skila greinargerð og málið verði svo tekið upp eftir það.

Tengdar fréttir

Sviptivindar í flugrekstri

Gefur Icelandair aukin tækifæri

• Verktökum í nýrri byggingu Icelandair boðið í kaffi
• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play

» Fleiri tengdar fréttir

• Blogga um frétt