Þristarnir vöktu lukku

Fjölmargir lögðu leið sína á Reykjavíkurflugvöll í kvöld þegar til að skoða fimm þristavélar, DC-3- og C-47-flugvélar, frá Bandaríkjunum. Vélarnar voru til sýnis á vellinum í kvöld og segir Stefán Smári Kristinsson flugrekstrarstjóri að um einstakt tækifæri hafi verið að ræða. 

Þrjár vél­anna voru komn­ar á Reykja­vík­ur­flug­völl í gær, ein kom í morg­un og síðasta lenti á vell­in­um síðdegis. Þá er von á fimm þrist­um til viðbótar á morg­un.

All­ar vél­arn­ar voru smíðaðar á ár­un­um 1943 til 1945. Vél­in sem kom í morg­un er að sögn Stef­áns merki­leg­ust. „Hún heit­ir That´s All, Brot­her, en var leiðtoga­vél­in í inn­rás Banda­ríkj­anna í Normandí.“ 

Vél­arn­ar eru í leiðangr­in­um D-Day Squa­dron og koma til Reykja­vík­ur á leið sinni frá Banda­ríkj­un­um til Frakk­lands til að taka þátt í at­höfn í Normandí 6. júní. Þann dag verða 75 ár liðin frá inn­rás­inni í Norm­andí sem fjöldi DC-3-véla tók þátt í.

Áhugafólk um flug, ungir sem aldnir, lögðu leið sína á Reykjavíkurflugvöll í kvöld og var ljósmyndari mbl.is á staðnum og myndaði dýrðina.