Bjarni Ármanns á tindi Everest

Bjarni Ármanns­son er kom­inn í hóp þeirra Íslend­inga sem hafa náð á topp hæsta fjalls heims, Ev­erest, en hann náði því tak­marki í morg­un. Hann náði því af­reki snemma í morg­un og er lagður af stað niður að nýju. Mbl.is telst til að Bjarni sé átt­undi Íslend­ing­ur­inn sem topp­ar Ev­erest. 

Bjarni Ármanns­son. mbl.is/​Eggert Jó­hann­es­son

21. maí 1997 urðu fjall­göngukapp­arn­ir Björn Ólafs­son, Ein­ar K. Stef­áns­son og Hall­grím­ur Magnús­son fyrstu Íslend­ing­arn­ir til þess að ná á tind Ev­erest. 

Har­ald­ur Örn Ólafs­son gekk næst­ur Íslend­inga á þetta hæsta fjall heims og stóð á tindi Ev­erest 16. maí 2002. Tveir Íslend­ing­ar gengu á Ev­erest vorið 2013. Ingólf­ur Geir Giss­ur­ar­son náði tind­in­um 21. maí. Hann stóð þá á fimm­tugu og var elsti Íslend­ing­ur­inn og eini ís­lenski af­inn sem hafði gengið á hæsta fjall heims.

Leif­ur Örn Svavars­son náði tindi Ev­erest 23. maí 2013. Hann er eini Íslend­ing­ur­inn sem hef­ur farið norður­leiðina á Ev­erest, en hún er tækni­lega erfiðari en suður­leiðin. Vil­borg Arna Giss­ur­ar­dótt­ir komst síðan á topp Ev­erest-fjalls 21. maí 2017 og varð þar með sjö­undi Íslend­ing­ur­inn til þess að ná því af­reki. 

Sjá nán­ar hér

Besti tími árs­ins til þess að klífa Ev­erest er maí og sést vel á Face­book-síðu fjalls­ins að það er þröng á þingi þessi dægrin.

Frétt af mbl.is

Á tindi Ev­erest í tvígang á 6 dög­um