„Þurfa á fríi að halda“
Setja bókamerki
Það hefur verið nóg að gera hjá Ríkissáttasemjara að undanförnu, en 160 kjarasamningar hafa orðið lausir frá áramótum. „Það er líf og fjör í húsinu,“ segir Elísabet Ólafsdóttir, skrifstofustjóri Ríkissáttasemjara, í samtali við mbl.is. Hún segir stefnt að því að loka hjá Ríkissáttasemjara í júlí þrátt fyrir þann fjölda viðræðna sem vísaðar eru til embættisins.
„Í fyrra fórum við ekki í frí fyrr en 23. júlí þegar kjaradeilu ljósmæðra lauk, en ef það verður ekkert sérstakt í gangi í kjaraviðræðunum munum við stefna að lokun. Samningafólk þarf líka að fá frí – ekki bara við – líka allir þeir fjölmörgu sem eru í samningaviðræðum. Þá er bara gert hlé í viðræðum á meðan með samþykki beggja aðila. Það hefur oft verið gert,“ útskýrir hún.
„Það eru margir búnir að vera hér í allan vetur og þurfa á því að halda að komast í frí,“ bætir Elísabet við.
Margar óleystar deilur
„Starfsgreinasambandið og Efling hafa vísað kjaraviðræðum við Samband sveitarfélaga til okkar. Flugfreyjur Icelandair og SA funduðu í gær. Síðan funduðu mjólkurfræðingar. Svo eru margir fundir félaga sem hafa ekki vísað til okkar eins og BSRB og BHM,“ segir hún.
Þá hefur Blaðamannafélagið vísað sínum kjaraviðræðum til embættisins.
Á þriðjudag er haldinn fundur Félags íslenskra atvinnuflugmanna og SA, Starfsgreinasambandsins og Sambands sveitarfélaga á miðvikudag og Félag íslenskra flugumferðastjóra og SA á fimmtudag.
„Á allt sitt undir því að njóta trausts almennings“
Óveður heldur Holtavörðuheiði lokaðri
Clinton fluttur á sjúkrahús
Leiðindaveður yfir jólahátíðina
„Umferðin greinilega að þyngjast“