44 ölvaðir ökumenn stöðvaðir

44 ökumenn voru teknir fyrir ölvunar- og fíkniefnaakstur á höfuðborgarsvæðinu um helgina. Frá þessu greinir lögreglan á höfuðborgarsvæðinu. 

34 voru stöðvaðir í Reykjavík, fimm í Kópavogi, þrír í Mosfellsbæ og tveir í Hafnarfirði. Þrír voru teknir á föstudagskvöld, 26 á laugardag, 14 á sunnudag og einn aðfaranótt mánudags.

38 ökumannanna eru karlar á aldrinum 17-61 árs og sex konur, 17-60 ára. Átta þessara ökumanna höfðu þegar verið sviptir ökuleyfi og sjö hafa aldrei öðlast ökuréttindi.

Í tveimur málanna voru ökumenn sviptir ökuleyfi til bráðabirgða eftir afskipti lögreglu, vegna ítrekaðra umferðarlagabrota viðkomandi.

• Blogga um frétt