Spurt um afstöðu Sigga hakkara í febrúar
Setja bókamerki
Bandarísk stjórnvöld óskuðu eftir því við stjórnvöld hér á landi í lok febrúar að upplýsinga yrði aflað um afstöðu Sigurðar Inga Þórðarsonar til að sjá hvort hann væri tilbúinn að svara spurningum vegna sakamálarannsóknar bandarísku alríkislögreglunnar, FBI, á Julian Assange, stofnanda Wikileaks.
Greint var frá málinu í kvöldfréttum Stöðvar 2.
Eins og áður hefur komið fram mætti Sigurður Ingi, einnig þekktur sem Siggi hakkari, til skýrslutöku hér á landi í byrjun maí. Hann fór síðan vestur um haf til frekari skýrslutöku í lok maí.
Í fréttum Stöðvar 2 kom fram að Þórdís Kolbrún Reykfjörð Gylfadóttir dómsmálaráðherra hafi ekki verið upplýst um komu fulltrúa bandaríska dómsmálaráðuneytisins og FBI hingað til lands þrátt fyrir að réttarfarsbeiðni um að fá Sigurð Inga til skýrslutöku hafi verið undirrituð eftir umboði dómsmálaráðherra.
Fulltrúi FBI sem kom til Reykjavíkur í byrjun maí, Megan Brown, er sú sem leiðir rannsóknina gegn Assange. Núverandi ákærur fela í sér hámarksrefsingu upp á 175 ára fangelsi.
/frimg/1/53/7/1530787.jpg)
Flogið á milli ljósaskipta
Nýtt fangelsi í landi Stóra-Hrauns tilbúið 2028
Þarf að koma til móts við ólíkar þarfir lækna
Fullvissa ferðamenn um að hér sé öruggt
Dómur þyngdur um þrjú ár
Rússar sagðir útvega N-Kóreu milljón olíutunnur
„Höfum sloppið bærilega með skaða af þessu gosi“
Yfir 300 stæði fóru undir hraun