Kröfu um ógildingu kosninga vísað frá

Héraðsdómur Vestfjarða hefur vísað frá dómi kröfu tveggja manna, Elíasar Svavars Kristinssonar og Ólafs Valssonar, um að viðurkennt verði með dómi að framkvæmd og undirbúningur sveitarstjórnarkosninga í Árneshreppi í maí í fyrra hafi ekki uppfyllt kröfur laga um kosningar til sveitarstjórna.

Áður hafði dómsmálaráðuneytið hafnað kröfum mannanna með úrskurði, en sagði þó í úrskurði sínum að „umtalsverðir annmarkar“ hefðu verið á framkvæmd kosninganna. Annmarkar þessir voru þó ekki taldir tilefni til þess að ógilda kosningarnar.

Frétt af mbl.is

„Umtalsverðir annmarkar“ á kosningunum

Dómur í þessu máli var kveðinn upp 10. maí síðastliðinn og í niðurstöðu hans segir að ekki verði fallist á það með stefnendum að þeir ágallar sem voru á framkvæmd kosninganna, geti leitt til ógildingar þeirra. Þeir hafi ekki verið „svo verulegir að þeir hafi verið til þess fallnir að hafa áhrif á niðurstöðu þeirra.“

Mönnunum tveimur var gert að greiða Árneshreppi eina milljón króna í málskostnað.

Dómur Héraðsdóms Vestfjarða

• Blogga um frétt