Sólin er að færa sig á austanvert landið eftir góða þjónustu í þágu íbúa Suður- og Vesturlands í sumar. Því ræður suðvestanáttin sem nú er ríkjandi.
Gert er ráð fyrir vætu á höfuðborgarsvæðinu næstu daga en yfirleitt björtu fyrir austan.
Er því vissara fyrir skokkara og ferðafólk í miðbæ Reykjavíkur að klæða sig betur eða að minnsta kosti að hafa með sér vatnsheldar yfirhafnir. Ekki þarf þó að kvarta undan kulda.