Forsætisnefnd sammála siðanefnd
Setja bókamerki
Forsætisnefnd Alþingis hefur fallist á niðurstöður siðanefndar þingsins þess efnis að Þórhildur Sunna Ævarsdóttir hafi brotið siðareglur fyrir alþingismenn með ummælum sínum um Ásmund Friðriksson, þingmann Sjálfstæðisflokksins. Þetta kemur fram í Fréttablaðinu í dag.
Álit forsætisnefndar þessa efnis verður birt á vef Alþingis í dag en það var afgreitt á fundi nefndarinnar á föstudag, degi eftir að þingstörfum lauk. Fréttablaðið greinir frá því að þrír nefndarmenn hafi skilað séráliti.
Siðanefnd Alþingis komst að þeirri niðurstöðu að ummæli hennar um Ásmund, einkum ummæli um að rökstuddur grunur væri uppi um refsiverða háttsemi hans, bryti gegn siðareglunum.
Ummælin féllu í Silfrinu og var Þórhildur Sunna þar að ræða endurgreiðslur sem hann naut frá Alþingi á grundvelli skráninga í akstursdagbók hans. Siðanefndiin taldi aftur á móti að Björn Leví Gunnarsson hafi ekki gerst brotlegur við reglurnar en Ásmundur kvartaði til forsætisnefndar vegna ummæla þeirra beggja vegna endurgreiðslna samkvæmt akstursdagbók hans.
Samkvæmt vef Alþingis sitja eftirfarandi í forsætisnefnd: Steingrímur J. Sigfússon, forseti, Guðjón S. Brjánsson, 1. varaforseti, Brynjar Níelsson, 2. varaforseti, Þorsteinn Sæmundsson, 3. varaforseti, Willum Þór Þórsson, 4. varaforseti, Jón Þór Ólafsson, 5. varaforseti, Bryndís Haraldsdóttir, 6. varaforseti, Steinunn Þóra Árnadóttir, 7. varaforseti (kosinn tímabundið) og Haraldur Benediktsson, 8. varaforseti (kosinn tímabundið). Þorsteinn Víglundsson og Inga Sæland eru áheyrnarfulltrúar.
„Umferðin greinilega að þyngjast“
Tilfellum RS-veiru fjölgar verulega
Strandveiðar „efnahagsleg sóun“
Máttu ekki auglýsa „mesta úrvalið“ og „besta verðið“
Leiðindaveður yfir jólahátíðina
Íslendingar vanir að klæða sig vel
Fundaði með starfsfólki í fjóra tíma í gær