Skoða nýja aðferð við útreikninga vísitölu neysluverðs

Forsætisráðherra hefur skipað nýja nefnd um aðferðafræði við útreikning vísitölu neysluverðs, en sú vísitala hefur meðal annars áhrif á verðtryggð húsnæðislán. Verkefni nefndarinnar er að skoða aðferðafræði við útreikning vísitölu neysluverðs út frá alþjóðlegum samanburði og leita álits erlendra sérfræðinga. Meðal annars verði aðferðafræði við húsnæðislið vísitölunnar tekin til athugunar auk svokallaðs vísitölubjaga.

Nefndin er skipuð 10 manns, en þau eru: 

• Benedikt Árnason, forsætisráðuneyti, formaður
• Dagný Ósk Aradóttir, tilnefnd af BSRB
• Georg Brynjarsson, tilnefndur af BHM
• Hannes G. Sigurðsson, tilnefndur af Samtökum atvinnulífsins
• Heiðrún Erika Guðmundsdóttir, tilnefnd af Hagstofu Íslands
• Henný Hinz, tilnefnd af Alþýðusambandi Íslands
• Karen Á. Vignisdóttir, tilnefnd af Seðlabanka Íslands
• Oddur Jakobsson, tilnefndur af Kennarasambandi Íslands
• Sigurður Páll Ólafsson, tilnefndur af fjármála- og efnahagsráðuneytinu
• Sigurður Á. Snævarr, tilnefndur af Sambandi íslenskra sveitarfélaga.

Fram kemur í tilkynningu frá ráðuneytinu að nefndin sé skipuð í samræmi við yfirlýsingu ríkisstjórnarinnar um markviss skref til afnáms verðtryggingar frá 3. apríl á þessu ári.

• 1 blogg um fréttina

Bloggað um fréttina

• Jóhann Elíasson: STÓÐ EKKI TIL AÐ HÚSNÆÐISLIÐNUM YRÐI KIPPT ÚT ÚR NEYSLUVÍSITÖLUNNI????