Hægt að líta í berjamó í byrjun ágúst

Að sögn Sveins Rúnars Haukssonar, eins helsta berjasérfræðings landsins, má gera ráð fyrir góðri berjasprettu í haust en hann segir að líklega verði hægt að líta í berjamó í byrjun ágúst.

Sveinn segir að mikil bjartsýni ríki meðal berjaáhugafólks á sunnan- og vestanverðu landinu en sætukoppar á þessum hluta landsins virðast lofa góðu.

Er sólríkum og hlýjum maí og júní helst að þakka fyrir góðar berjahorfur, að því er fram kemur í Morgunblaðinu í dag.