Fyr­ir­huguð viðhalds­dýpk­un Land­eyja­hafn­ar fel­ur í sér nýj­an og stærri efn­is­los­un­arstað. Hann er um 240 hekt­ar­ar að stærð og tek­ur við um tíu millj­ón­um rúm­metra. Los­un­ar­svæðið er í um þriggja kíló­metra fjar­lægð frá höfn­inni og er á um 30 metra dýpi.

Svæðið ein­kenn­ist af sendn­um botni þar sem rót vegna öldu­gangs er mikið. Dýpi á svæðinu er mjög breyti­legt. Bú­ist er við að los­un­arstaður­inn nýt­ist í 20-30 ár.

Gert er ráð fyr­ir 300-500 þúsund rúm­metra dýpk­un á ári þar til ný ferja hef­ur sigl­ing­ar. Með nýrri ferju er gert ráð fyr­ir að ár­leg viðhalds­dýpk­un verði um 200-300 þúsund rúm­metr­ar á ári. Í skýrsl­unni seg­ir að dýpk­un fari fram með sand­dælu­skipi frá mars fram í nóv­em­ber ár hvert. „Tíma­setn­ing­ar miðast alltaf við að hægt sé að opna höfn­ina sem fyrst og halda henni op­inni sem lengst,“ seg­ir í skýrsl­unni.

Niðurstaða í árs­lok

Vega­gerðin hef­ur lagt fram til­lögu að matsáætl­un vegna mats á um­hverf­isáhrif­um viðhalds­dýpk­un­ar í Land­eyja­höfn og efn­is­los­un­ar í sjó. Til­lag­an er aðgengi­leg á vef Skipu­lags­stofn­un­ar. Frest­ur til at­huga­semda er til 29. júlí 2019. Sam­kvæmt tíma­áætl­un um mats­vinn­una er stefnt að því að álit Skipu­lags­stofn­un­ar liggi fyr­ir í lok þessa árs.

Fram kem­ur í inn­gangi til­lög­unn­ar, sem VSÓ ráðgjöf vann, og fjallað er um í Morg­un­blaðinu í dag, að í mats­skýrslu fyr­ir Land­eyja­höfn frá 2008 hafi heild­ar­magn viðhalds­dýpk­un­ar verið áætlað um 30 þúsund rúm­metr­ar á ári. Reiknað var með því að eft­ir af­taka­veður gæti þurft að fjar­lægja um 80 þúsund rúm­metra úr inn­sigl­ing­ar­renn­unni.

Tengd­ar frétt­ir

Land­eyja­höfn

Land­eyja­höfn „eitt mesta verk­fræðislys seinni ára“

• Þörf á end­ur­bót­um á Land­eyja­höfn
• Mann­vit tek­ur út Land­eyja­höfn
• Gerð verði óháð út­tekt á Land­eyja­höfn
• Þurfa að leigja 300 tonna krana

» Fleiri tengd­ar frétt­ir