Maður sem grunaður er um tilraun til manndráps í Neskaupstað í nótt hefur verið úrskurðaður í fjögurra vikna gæsluvarðhald. Þetta staðfestir Helgi Jensson saksóknari í samtali við mbl.is. Hinn grunaði gekk fyrir dómara í dag, sem staðfesti gæsluvarðhaldsbeiðnina.

Maðurinn er grunaður um að hafa ítrekað stungið fórnarlambið í hönd og fótlegg. Hann komst undan árásarmanninum og yfir til nágranna sinna þar sem hringt var á hjálp. Hann var færður með sjúkraflugi til Reykjavíkur og gekkst undir aðgerð, en er á batavegi nú og útskrifaðist af gjörgæslu í dag.

Að sögn systur hins stungna er hann slappur og aumur, en allt sé á réttri leið. Árásarmaðurinn er frændi kærustu fórnarlambsins og hafði hann haft í hótunum við fórnarlambið um nokkurt skeið.

Frétt af mbl.is

Í haldi eftir hnífstungu í Neskaupstað

Tengdar fréttir

Hnífstunga í Neskaupstað

Rannsóknum hnífstunguárásar og smygls miðar vel

• Hótaði að skera kærustuna á háls
• Líðan mannsins mjög góð
• Rannsókn á hnífstungu miðar vel
• Kærir gæsluvarðhaldsúrskurðinn

» Fleiri tengdar fréttir

• Blogga um frétt