Fyrirtækið WAB air er búið að sækja um flugrekstrarleyfi til Samgöngustofu, en það var gert fyrir um þremur vikum síðan. Greint er frá þessu á vefjum Vísis og RÚV, þar sem haft er eftir Sveini Inga Steinþórssyni, einum stofnanda fyrirtækisins, að undirbúningur að stofnun nýs flugfélags gangi vel.

Þá segir Sveinn, í samtali við RÚV, að stefnt sé að því að félagið verði íslenskt félag með íslenska kennitölu og flugrekstrarleyfi og íslenskt starfsfólk.

Frétt af mbl.is

Vinna að stofnun nýs flugfélags

„Við munum byggja mikið á því góða fólki sem við höfum unnið með í gegn um tíðina,“ sagði Sveinn við RÚV, en hann er fyrrverandi yfirmaður hagdeildar WOW air og sat einnig í framkvæmdastjórn flugfélagsins.

Fréttablaðið greindi frá því í síðustu viku að írski fjárfestingasjóðurinn Avianta Capital hefði skuldbundið sig til þess að leggja nýja flugfélaginu til rúmlega fimm milljarða króna í hlutafé, en samkvæmt frétt Fréttablaðsins yrði Avianta Capital 75% eigandi nýja félagsins á móti 25% hlut félagsins Neo.

Auk Sveins Inga er Neo í eigu Arn­ars Más Magnús­son­ar, fyrr­ver­andi fram­kvæmda­stjóra flugrekstr­ar­sviðs WOW air, Boga Guðmunds­son­ar, lög­manns hjá Atlantik Legal Serv­ic­es og stjórn­ar­for­manns BusTrav­el, og Þórodds Ara Þórodds­son­ar, ráðgjafa í flug­vélaviðskipt­um í Lund­ún­um.

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

• Blogga um frétt