Vilja lægri gjöld á bjór

Sigurður Pétur Snorrason, stofnandi RVK Brewing Company og formaður samtaka íslenskra handverksbrugghúsa, segir marga bjórframleiðendur telja ótækt að lægri gjöld séu lögð á léttvín en bjór og vilji að lagaumhverfið verði endurskoðað.

Hann og fleiri framleiðendur séu að skapa störf, nýsköpun sé um allt land og framleiðendur fái til sín gesti og túrista. Á sama tíma búi bjórframleiðendur við mjög óþjált og íþyngjandi umhverfi áfengisgjalda.

Í umfjöllun um mál þetta í Morgunblaðinu í dag segir Agnes Anna Sigurðardóttir, eigandi Kalda  að ekki sé nægjanlega hlúð að íslenskri bjórframleiðslu og telur galið að kampavín og fleiri vinsælir drykkir beri lægri gjöld en bjór.