Leynd hvílir yfir kaupvirði þriggja dótturfélaga Íslandspósts, að því er fram kemur í Morgunblaðinu í dag.
Skúli Eggert Þórðarson ríkisendurskoðandi sagði Ríkisendurskoðun ekki hafa haft það hlutverk í skýrslu um Póstinn að varpa ljósi á kaupin á dótturfyrirtækjum.
„Við höfum velt því fyrir okkur hvort við þurfum að gera ítarlegri úttekt á Íslandspósti með hliðsjón af þeim upplýsingum sem fram hafa komið. Það er til athugunar og við munum ráðfæra okkur við Alþingi um það,“ sagði hann. Fjallað er um umrædd dótturfélög Póstsins í Morgunblaðinu í dag.