Stefnt er að því að Airbus A321-þota bandaríska flugvélaleigufyrirtækisins Air Lease Corporation fljúgi af stað frá Keflavíkurflugvelli klukkan 9 í fyrramálið. Samkvæmt heimildum mbl.is og Morgunblaðsins er gert ráð fyrir þessu í flugáætlun.

Flugvirkjar ALC hafa unnið að því að gera þotuna flughæfa, en hún hefur staðið kyrr á Keflavíkurflugvelli frá því í mars. Á meðan hafa ALC og Isavia staðið í stappi um vélina, sem Isavia hefur haldið á vellinum sem tryggingu fyrir um tveggja milljarða heildarskuldum WOW air við ríkisfyrirtækið.

Frétt af mbl.is

ALC leggur Isavia og fær þotuna

Frétt af mbl.is

Ekkert fæst frá Isavia fyrr en á morgun

Í gær úrskurðaði Héraðsdómur Reykjaness að ALC hefði einungis þurft að greiða þá upphæð sem tengdist þessari tilteknu flugvél, TF-GPA, en ekki allar skuldir WOW air vegna gjalda á Keflavíkurflugvelli.

Héraðsdómur féllst auk þess ekki á kröfu Isavia um að réttaráhrifum úrskurðarins yrði frestað þar til Landsréttur hefði tekið málið fyrir.

Samkvæmt svari frá upplýsingafulltrúa Isavia við fyrirspurnum mbl.is í dag er ekki von á neinum viðbrögðum frá Isavia vegna málsins fyrr en eftir innanhússfund þar á bæ á morgun. Þá verður vélin, samkvæmt flugáætlun, farin af landi brott.

Tengdar fréttir

Sviptivindar í flugrekstri

Gefur Icelandair aukin tækifæri

• Verktökum í nýrri byggingu Icelandair boðið í kaffi
• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt