„Þetta er mjög skrýtið og leiðinlegt að þetta gerist aftur og aftur. Þetta er því miður orðið árlegt núna,“ segir Róbert Arnar Stefánsson, forstöðumaður Náttúrustofu Vesturlands, um grindhvali sem rak á land í Löngufjörur. Myndir af dauðum hvölum náðust í þyrluflugi hjá ferðaþjón­ustu­fyr­ir­tæk­inu Reykja­vík Helicopter upp úr hádegi í dag. 

Frétt af mbl.is

Grindhvalir strönduðu í Löngufjörum

Algengt er að grindhvali reki á land, einkum á þessum árstíma, á utanverðu Snæfellsnesi nálægt Rifi og Ólafsvík. Í nokkrum slíkum tilfellum hefur björgunarsveit og almenningur náð að bægja þeim frá, að sögn Róberts. „Þetta gerist ekki nálægt mannabyggðum og því hefur líklega enginn orðið var við þetta,“ segir hann.    

Tugir liggja í fjöruborðinu í Löngufjörum. Ljósmynd/David Schwarzhans

„Ég er að frétta af þessu núna. Ég er að meta hvort við kíkjum á þetta,“ segir Róbert spurður hvort fulltrúi frá Náttúrustofu skoði dýrin. Hann bendir á að þeim beri ekki skylda til að kanna þetta en þau hafa alltaf náð að fylgjast með slíkum atburðum. 

„Það er ansi mikið að gera hjá okkur í öðrum verkefnum. Við erum fáliðuð og erum á fullu í vöktun arnarstofnsins, í fuglarannsóknum og ýmsu. Af myndunum að dæma sýnist mér þeir allir dauðir. Það er svo sem lítið hægt að gera. Ef þeir væru lifandi værum við farin af stað,“ segir hann. 

Tengdar fréttir

Grindhvali rak á land á Löngufjörum

Náttúran verði látin um hvalhræin

• Hvaltönn fyrir lengra komna „lovera“
• Skoða hvalina á morgun
• Enginn í sveitinni að spá í hræin
• Skoða grindhvalina eftir helgi

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Hvaða kafbátur var þarna á ferðinn? Eða herskip,það er sama, …