Miðflokkurinn tekur af Sjálfstæðisflokki
Setja bókamerki
Miðflokkurinn er hástökkvari nýrrar skoðanakönnunar sem MMR birti í dag. Flokkurinn mælist með 14,4% fylgi og yrði þriðji stærsti flokkurinn ef boðað yrði til kosninga í dag. Að sama skapi lækkar fylgi Sjálfstæðisflokksins um rúm 3 prósentustig og mælist hann nú með 19,0% fylgi en er þó eftir sem áður stærstur flokka.
Píratar eru næststærstir, en 14,9% kjósenda hyggjast greiða flokknum atkvæði, litlu fleiri en í síðustu könnun. Skammt undan er Samfylkingin, sem mælist með 13,5% fylgi og tapar rúmu prósenti frá síðustu könnun.
10,3% kjósenda styðja Vinstri græn, prósenti minna en síðast, og 9,7% Viðreisn sem er á pari við síðustu könnun. Þá mælist fylgi Framsóknarflokksins 8,4% en var 7,7% í síðustu könnun.
Flokkur fólksins og Sósíalistaflokkur Íslands næðu ekki mönnum á þing ef þetta yrðu niðurstöður kosninga, en hvor flokkur um sig nýtur stuðnings rúmlega 4% kjósenda.
Könnunin var framkvæmd dagana 4. til 17. júlí og voru svarendur 2.031, valdir af handahófi úr hópi álitsgjafa MMR úr þjóðskrá.
„Tímabil aukinnar eldvirkni“
Samfylking og Viðreisn gáfu loforð
Ók á hóp fólks á jólamarkaði: Einn látinn
Bjarni: „Útilokað að þetta geti gengið upp“
„Börn heima sem maður myndi vilja hafa í skjóli“
Ný ríkisstjórn kynnt á morgun
Barn lést í árásinni
