Innlent | Morgunblaðið | 20.7.2019 | 5:30 | Uppfært 6:21

Loftrýmisgæsla NATO hefst á ný

Orrustuþota lendir eftir loftrýmisgæslu yfir Íslandi.

Loftrýmisgæsla Atlantshafsbandalagsins við Ísland er að hefjast að nýju með komu flugsveitar bandaríska flughersins.

Allt að 110 liðsmenn bandaríska flughersins taka þátt í verkefninu og til viðbótar starfsmenn frá stjórnstöð NATO í Uedem, Þýskalandi (Combined Air Operations Center). Flugsveitin kemur til landsins með fimm F-16-orrustuþotur. Verkefninu mun ljúka fyrir lok ágúst.

Gert er ráð fyrir aðflugsæfingum að varaflugvöllum á Akureyri og Egilsstöðum á tímabilinu 29. til 31. júlí, segir í frétt á vef Landhelgisgæslunnar.

Verkefnið verður framkvæmt með sama fyrirkomulagi og fyrri ár og í samræmi við loftrýmisgæsluáætlun NATO fyrir Ísland. Flugsveitin verður staðsett á öryggissvæðinu á Keflavíkurflugvelli.

Landhelgisgæsla Íslands, í samvinnu við Isavia, sér um framkvæmd verkefnisins . sisi@mbl.s