Að öllum líkindum mun ekki nást í haust að fylla skarðið sem WOW Air skildi eftir sig á flugmarkaði hérlendis þegar flugfélagið fór í þrot fyrr á árinu, að sögn Guðna Sigurðssonar, upplýsingafulltrúa Isavia.

„WOW Air flutti um það bil 35% farþega um Keflavíkurflugvöll og var næststærsti viðskiptavinur okkar á vellinum. Það er því ljóst að gjaldþrot WOW hefur haft áhrif á reksturinn og skarð myndast á markaðnum, sérstaklega hvað varðar Ameríkuflug þar sem framboð hefur minnkað töluvert,“ segir Guðni.

Air Baltic flýgur allt árið

Einhver flugfélög hafa þó bætt við sig flugferðum en flugfélagið Air Baltic tilkynnti nýverið að það myndi nú fljúga allt árið til Keflavíkur. Áður hefur félagið einungis flogið yfir sumarið. Air Baltic býður upp á flugferðir til Riga, höfuðborgar Lettlands. Guðni segir það jákvæðar fréttir þótt þær breytingar séu ekki stórvægilegar.

„Fleiri flugfélög þjónusta evrópska áfangastaði og þau hafa sum hver aukið flugið. Það hefur þó ekki verið það mikið að við höfum séð ástæðu til að breyta farþegaspá Isavia sem við birtum uppfærða í byrjun júní,“ segir Guðni í umfjöllun um þessi mál í Morgunblaðinu í dag.

Tengdar fréttir

Sviptivindar í flugrekstri

Gefur Icelandair aukin tækifæri

• Verktökum í nýrri byggingu Icelandair boðið í kaffi
• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt