Annar göngumaðurinn með kviðverki

Verið er að kanna hvort ástæða sé til þess að kalla út þyrlu til þess að sækja einn þeirra tveggja göngumanna sem sendu frá sér neyðarboð í Fljótavík á Vestfjörðum í morgun, segir Halldór Óli Hjálmarsson, aðgerðarstjóri björgunarsveitar á Ísafirði, í samtali við mbl.is.

Áhöfn björgunarskipsins Gísla Jóns er komin að göngumönnunum og er verið að skoða einn þeirra sem er með kvikverki, en ekki er vitað enn hvað veldur verkjunum. Ef talið er að hann þurfi brýna læknisaðstoð verður óskað eftir aðstoð þyrlu Landhelgisgæslunnar.

Frétt af mbl.is

Göngumenn sendu neyðarboð

Mennirnir, sem eru erlendir ferðamenn, sendu frá sér neyðarboð upp úr klukkan níu í morgun. Varðskip gæslunnar sem var í Bolungarvík var sent af stað ásamt björgunarskipinu Gísla Jóns.

• Blogga um frétt