Miðflokkurinn skilaði inn andsvari
Setja bókamerki
Þingmenn Miðflokksins hafa skilað inn andsvari til forsætisnefndar vegna álits siðanefndar Alþingis sem fjallaði um Klaustursmálið. Steinunn Þóra Árnadóttir, þingmaður Vinstri grænna og tímabundinn varaforseti Alþingis, staðfestir þetta í samtali við mbl.is.
„Nú er verið að fara yfir þessi sjónarmið sem þar koma fram og ganga frá málinu. Vonandi verður hægt að ljúka því sem fyrst,“ segir Steinunn Þóra.
Steinunn Þóra og Haraldur Benediktsson, þingmaður Sjálfstæðisflokksins, voru skipuð varaforsetar Alþingis tímabundið svo hægt væri að taka Klaustursmálið fyrir í forsætisnefnd Alþingis þar sem allir nefndarmenn forsætisnefndar lýstu sig vanhæfa til þess. Þau vísuðu málinu í framhaldinu til siðanefndar til efnislegrar meðferðar.
Siðanefnd skilaði áliti sínu til þeirra Steinunnar og Haralds á mánudag fyrir viku og var það kynnt fyrir þingmönnum Miðflokksins sem hafa nú skilað inn andsvari.
Hraunið náð Njarðvíkuræð: Fylgjast með raflínu
Átti ekki að láta pirring bitna á sjúklingi
Erlendir miðlar greina frá tíunda gosinu
Myndir: Grindavíkurvegur aftur undir hraun
Hvað gerðist eiginlega í VMA?
Virknin dregist saman um 600 metra
Búseta skortir byggingarlóðir