Ákærðir fyrir meiri háttar skattsvik
Setja bókamerki
Héraðssaksóknari hefur birt ákæru á hendur bræðrunum Haraldi Reyni Jónssyni og Guðmundi Steinari Jónssyni, sem kenndir eru við útgerðarfélagið Sjólaskip, vegna meiri háttar brota gegn skattalögum. Þeir eru sakaðir um að hafa vanframtalið rúma þrjá milljarða króna á árunum 2006 og 2007. Vangreiddur tekjuskattur er sagður tæpar 819 milljónir króna.
Um er að ræða sameiginlegt mál gegn þeim bræðrum. Þess er krafist að þeir verði dæmdir til refsingar og til greiðslu alls sakarkostnaðar.
Í aðskildu máli er Guðmundur Steinar ákærður fyrir meiri háttar skattalagabrot með því að hafa staðið skil á efnislega röngum skattframtölum gjaldárin 2007, 2008 og 2009 með því að telja ekki fram á skattframtölum sínum þau gjaldár tekjur upp á tæpar 412 milljónir króna. Af tekjunum hefði hann átt að greiða rúmar 65 milljónir króna í skatt.
Þess er krafist að hann verði dæmdur til refsingar og til greiðslu alls sakarkostnaðar
Ákæra á hendur Haraldi Reyni einum og sér hefur áður verið birt. Honum er gert að sök að hafa vantalið tekjur áranna 2005-2008 og nema meint undanskot rúmum 245 milljónum króna.
Ákærur gegnum systrum Guðmundar og Haraldar hafa einnig verið birtar. Þær eru sakaðar um að hafa ekki talið fram fjármagnstekjur upp á samtals rúmlega 550 milljónir króna.
Vistir af skornum skammti og nágranninn ófundinn
Solaris-söfnun óendurskoðuð
Ekkert skilið eftir nema útveggirnir
Ekki markmiðið að fara í verkfall
Sýknaður eftir að hafa hlotið átta ára dóm
Faðir Dags gagnrýnir Kristrúnu
Lögðu hald á sex kíló af metamfetamíni
/frimg/1/52/58/1525874.jpg)
Hjúkrunarfræðingar kæra launamun