Jóhanna Sigurðardóttir, fyrrverandi forsætisráðherra, segir nauðsynlegt að gera breytingar á fyrirkomulagi siðanefndar Alþingis. Niðurstaða nefndarinnar í Klaustursmálinu sé ekki boðleg. Þetta kemur fram í færslu sem Jóhanna birtir á Facebook.

Jóhanna segir ótækt að fyrrverandi eða núverandi þingmenn skipi siðanefnd og leggur þess í stað til að Alþingi skipi í nefndina í upphafi hvers kjörtímabils sérfræðinga utan Alþingis.

Þá sé nauðsynlegt að brot á siðareglum þingsins hafi afleiðingar fyrir viðkomandi þingmenn. Mætti hugsa sér að þingmaður, sem gerist brotlegur við reglurnar, verði sendur í launalaust leyfi í tiltekinn tíma sem eftir lifir kjörtímabils. Það væri liður í að endurreisa virðingu Alþingis.

Auk siðareglna þingsins hafa ríkisstjórnir sett sér siðareglur, að fordæmi ríkisstjórnar Jóhönnu Sigurðardóttur, sem var sú fyrsta sem setti sér slíkar, árið 2011. Þess má  geta að ríkisstjórn Sigmundar Davíðs Gunnlaugssonar staðfesti aldrei þær reglur, og fann umboðsmaður Alþingis að því þótt Sigmundur segði að hann liti svo á að siðareglur fyrrum ríkisstjórnar væru enn í gildi, að því er fram kom í umfjöllun um málið í Morgunblaðinu árið 2016. Eitt fyrsta verk ríkisstjórnar Sigurðar Inga Jóhannssonar vorið 2016 var að staðfesta slíkar reglur.

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir

• 1 blogg um fréttina

Bloggað um fréttina

• Gústaf Adolf Skúlason: Víst er Jóhanna sæt en stjórnarskráin virðist að sama skapi …